Monday, October 17, 2016

බෙන්ගමුවේ නාලක හිමියන්ට සවන් දෙමු



බෙන්ගමුවේ  නාලක හිමියන්  විසින්  අද දින දිවයින පත්‍රයේ සිංහලයන්ගේ මෙන්ම  අනෙකුත්  ජාතීන්ගේ අවධානයට ලක්වීම  පිණිස පල කල මෙම ලිපිය එකි පරමාර්ථයෙන්ම මෙම blog අඩවියේද  පල කරමි. ලිපිය පල කිරීම  ගැන බෙන්ගමුවේ  නාලක  හිමියන්  මෙන්ම දිවයින කතුතුමා උරණ  නොවනු  ඇතැයි  සිතමි .





සිංහලයිනි සමගි වව්

ජාතික සමගියට පදනම දමව්

පූජ්‍ය බෙංගමුවේ නාලක හිමි

මුලදී සියයට සියයක්‌ම සිංහලයන්ගේ රට ලෙස පැවති, පසුව විජාතික හා විදේශික ආක්‍රමණ හා බලපෑම් නිසා සිංහලයන්ට පමණක්‌ නොව, දෙමළ, මුස්‌ලිම්, බර්ගර්, මැලේ ආදී ජන වර්ගයන්ට ද අයත් රටක්‌ ලෙස හැඳින්වීමට උගතුන් හා දේශපාලකයින් ක්‍රියා කර ඇත. එහි ප්‍රතිඵලයක්‌ වශයෙන් සිංහල රට -ශ්‍රී ලංකාව ලෙස නම් කෙරිණි. ඉංගී්‍රසින්, රටේ නම CEYLON යෑයි හැඳින්වූයේ සිංහල (inhalam>Seelan>Ceylan> Ceylon) යන අර්ථයෙනි. එහෙත් සුද්දන් ද නොකළ දෙයක්‌ කරමින් සිංහල දේශපාලකයින් සිංහල රට ශ්‍රී ලංකා යෑයි නම් කර ඇත. රට වැසි සියලු දෙනාගේම රට ශ්‍රී ලංකාව ලෙස හැඳින්වීමට සිංහලයාගේ විරෝධයක්‌ නැත. ශ්‍රී ලංකාව තුළ දෙමළ හෝ මුස්‌ලිම් සුළු ජන කොටසකට වෙනම පාලන බලයක්‌ ඇති කර ගැනීමට ඉඩ දිය නොහැක.



සිංහලයාගේ සමගිය ජාතික සමගියේ පදනමයි, යනුවෙන් වදාළේ අති පූජිත මඩිහේ පඤ්ඤාසීහ මහා නාහිමිපාණන් වහන්සේය. සිංහලයින් සමගි කිරීමට උන්වහන්සේ ප්‍රබල උත්සාහයක්‌ ගත්හ. එහෙත් පක්‌ෂ දේශපාලනය නිසා බෙදී අසමගි වී සිටින සිංහලයන් ඒ මඩ ගොහොරුවෙන් මුදා ගැනීම අතිශයින්ම අසීරු කාර්යයක්‌ විය. ඉතිහාසය පුරා විදේශ ආක්‍රමණ 16 කට මුහුණ දී රටත්, ජාතියත් පර සතුරන්ගේ රැක ගත්තේ සිංහලයන් සමගි සම්පන්නව කටයුතු කිරීම නිසයි. සටන් කර රටවල් අල්ලා ගත් ඉංගී්‍රසි අධිරාජ්‍යවාදීන්ට සටනින් අල්ලා ගැනීමට නොහැකි වූයේ සිංහලයාගේ රටයි. ඒ සිංහලයන්ගේ සමගිය නිසයි. සිංහලයන්ගේ සමගිය බිඳීමට ඔවුහු විවිධ උපක්‍රම යෙදූහ. එවකට මෙරට සිටි දෙමළ හා මුස්‌ලිම් ජනයා සිංහලයන්ට එරෙහිව සංවිධානය කිරීම හා බලගැන්වීම එක්‌ උපක්‍රමයකි. ඉංගී්‍රසීන් ඒ දේ නොකරන්න, අද වන විට දෙමළ හා මුස්‌ලිම් අන්තවාදයක්‌ බිහි නොවන්නට ඉඩ තිබුණි. අනෙක්‌ උපක්‍රමය නම් ඔවුන් අපට ලබා දුන් ප්‍රජාතන්ත්‍රවාදී දේශපාලන ක්‍රමය තුළ ක්‍රියාත්මක වන පක්‌ෂ ක්‍රමයයි. එම පක්‌ෂ ක්‍රමය පදනම් කරගෙන අද වන විට සිංහලයන් විවිධ කොටස්‌ වලට බෙදී වෙන් වී සිටිති.



වසර 2,500 ක්‌ පුරා තම උරුමය රැකගත් සිංහලයන් පක්‌ෂ වලට බෙදී අසමගි වී සිටින විට සුළු ජන කොටස්‌ තම බලය තහවුරු කර ගැනීම අරුමයක්‌ නොවේ. සිංහල දේශපාලන පක්‌ෂ තුළ අසිංහලයින්ට ද ඉඩක්‌ ඇත. තම පක්‌ෂවල ජාති බේදයක්‌ නොමැති බව පෙන්වීම එහි අරමුණයි. මුස්‌ලිම් හා දෙමළ දේශපාලන පක්‌ෂ රාශියක්‌ ඇතත් අවශ්‍ය වූ හැම විටම ඔවුහු සමගිව කටයුතු කරති. එහෙත් සිංහල දේශපාලකයන් එසේ නොවේ. තම ජාතියට වඩා ඉහලින් ඔවුන් සලකන්නේ පක්‌ෂය හා පක්‌ෂයට දේශපාලන බලයක්‌ ලබා ගැනීමයි. ලොව ඉතාම කුඩා ජාතියක්‌ ද වන මෙරටට පමණක්‌ උරුම හිමිකම් ඇති සිංහලයින් මෙසේ අසමගි වී සිටින විට ඔවුන්ගේ රටට විදේශ බලපෑම් ඇති වීමට පවතින ඉඩකඩ බොහෝය. විදේශ සහයෝගය ලබාගෙන රට තුළ වෙනම පාලන බලයක්‌ ඇති කර ගැනීමට දෙමළ හා මුස්‌ලිම් දේශපාලකයෝ ද උත්සාහ කරති.

මුලදී සියයට සියයක්‌ම සිංහලයන්ගේ රට ලෙස පැවති, පසුව විජාතික හා විදේශික ආක්‍රමණ හා බලපෑම් නිසා සිංහලයන්ට පමණක්‌ නොව, දෙමළ, මුස්‌ලිම්, බර්ගර්, මැලේ ආදී ජන වර්ගයන්ට ද අයත් රටක්‌ ලෙස හැඳින්වීමට උගතුන් හා දේශපාලකයින් ක්‍රියා කර ඇත. එහි ප්‍රතිඵලයක්‌ වශයෙන් සිංහල රට -ශ්‍රී ලංකාව ලෙස නම් කෙරිණි. ඉංගී්‍රසින්, රටේ නම CEYLON යෑයි හැඳින්වූයේ සිංහල (inhalam>Seelan>Ceylan> Ceylon) යන අර්ථයෙනි. එහෙත් සුද්දන් ද නොකළ දෙයක්‌ කරමින් සිංහල දේශපාලකයින් සිංහල රට ශ්‍රී ලංකා යෑයි නම් කර ඇත. රට වැසි සියලු දෙනාගේම රට ශ්‍රී ලංකාව ලෙස හැඳින්වීමට සිංහලයාගේ විරෝධයක්‌ නැත. ශ්‍රී ලංකාව තුළ දෙමළ හෝ මුස්‌ලිම් සුළු ජන කොටසකට වෙනම පාලන බලයක්‌ ඇති කර ගැනීමට ඉඩ දිය නොහැක.

රට තුළ දෙමළ ඊලමක්‌ බිහිකරගැනීමේ අරමුණින් කාලයක්‌ තිස්‌සේම දෙමළ දේශපාලකයින් ක්‍රියා කර ඇත. ඒ සඳහා ඉලංකෙයි තමිල් අරසුකච්චි දෙමළ එක්‌සත් විමුක්‌ති පෙරමුණ, දෙමළ ජාතික සංධානය වැනි දේශපාලන පක්‌ෂ පිහිටුවාගෙන ක්‍රියාත්මක වී ඇති අතර ෙµඩරල් පාලනයක්‌ හෝ ඔවුන්ට අවශ්‍යය බව කියමින් ශ්‍රී ලංකා රජයට මෙන්ම විදේශ රටවලට ඉල්ලීම් හා බලපෑම් කරති. උතුරු හා නැගෙනහිර දෙමළ නිජ භූමිය ලෙස පවසන ඔවුහු එම පළාත් වලින් සිංහල ජනතාව පලවා හැරීමට ද ක්‍රියා කර ඇත. එවකට පැවති යූ. ඇන්. පී රජයේ වරදින් ඇති වූ 1983 ජූලි කලබල වලට පෙර යාපනයේ සිංහලයින් 24,000ක්‌ සිටියහ. ජූලි කලබලය දඩමීමා කරගත් දෙමළ දේශපාලකයෝ උතුරේ සිටි සිංහලයන් පලවා හැරීමට ක්‍රියා කළහ. 1987 ඉන්දුලංකා ගිවිසුමට අනුව මෙරටට ගෙන්වූ ඉන්දියන් හමුදාවේ ආක්‍රමණශීලී ක්‍රියා නිසාත්, එල්.ටී.ටී.ඊ ක්‍රියාකාරකම් නිසාත් නැගෙනහිරින් ද සිංහලයින් බොහෝ දෙනෙක්‌ දකුණට සංක්‍රමණය වූහ. ප්‍රථම වරට පළාත් සභා ඡන්දය පැවති අවස්‌ථාවේදී උතුරු හා නැගෙනහිර දෙපළාත එක්‌ පළාතක්‌ ලෙස ගෙන ඡන්දය පැවැත්වීම ද එම දෙපළාත දෙමළ නිජභූමිය ලෙස නම් කරගැනීමට හේතුවක්‌ විය. එම පළාත් සභාවේ මහ ඇමති ධුරයට පත් වර්ධරාජා පෙරුමාල් එම දෙපළාත ඊලාම් රාජ්‍යයක්‌ ලෙස ප්‍රකාශයට පත් කිරීම නිසා ජනාධිපති බලතල අනුව පළාත් සභාව අහෝසි නොකළේ නම් මෙලහකටත් දෙමළ ඊළමක්‌ බිහි වන්නට ඉඩ තිබුණි.

දේශපාලන වශයෙන් ක්‍රියා කරමින් රට තුළ වෙනම දෙමළ රාජ්‍යයක්‌ බිහි කරගැනීමේ ප්‍රයත්නය කල් යන බව වටහා ගත් දෙමළ තරුණ කණ්‌ඩායම් සටන් කර එම රාජ්‍යය බිහි කර ගැනීමට අවි අතට ගැනීමේ ප්‍රතිඵලයක්‌ වශයෙන් බිහිසුණු එල්.ටී.ටී.ඊ. ත්‍රස්‌තවාදය බිහි විය. ඔවුන්ට විදේශ රටවල සහයෝගය ද ලැබුණි. වසර 30 කට ආසන්න කාලයක්‌ මුළු රට පුරා ජනතාව තුළ මරණ බය ඇති කරමින් ක්‍රියාත්මක වූ එම ත්‍රස්‌තවාදය පරාජය කළ හැකි වූයේ සිංහලයන් බහුතරයක්‌ සිටින ආරක්‌ෂක හමුදාව සමගි සම්පන්නව ක්‍රියා කිරීමෙනි. රටට ආදරය කරන දෙමළ හා මුස්‌ලිම් රණවිරුවන් ද එහිදී ලබා දුන් සහයෝගය අතිශයින්ම අගය කළ යුතුය. ඒකීය රටක්‌ වශයෙන් ශක්‌තිමත්ව පැවතීමට නම් එම සමගිය සියලු රටවැසියන් තුළ තිබිය යුතුය. ඒ සඳහා සිංහලයන්ගේ සමගිය අත්‍යවශ්‍ය වේ. ඊට ප්‍රධානතම බාධකය වී ඇත්තේ පක්‌ෂ දේශපාලනයයි. ජාතික හෙළ උරුමය වැනි පක්‌ෂ බිහි වී මෙරට උරුමය රැක දීමට පොරොන්දු වූ නමුත් ඔවුහු ද දැන් පක්‌ෂ දේශපාලන මඩගොහොරුවෙහි ගිලී උරුමය පසෙක තබා බලකාමී අරමුණක එල්බගෙන ක්‍රියා කරති.

-දෙමලු නැගිටිවු, (එලංග තමිල්) යෑයි හඬ නගන උතුරේ මහ ඇමති විග්නේෂ්වරන් කියන්නේ අන් කිසිවක්‌ නොව සිංහලයන්ට එරෙහිව නැගී සිටින ලෙසයි. ප්‍රභාකරන් කිව්වේත් එයයි. එම ක්‍රියාදාමය සිංහල බෞද්ධයන් කලබල විය යුතු දෙයක්‌ නොවන බව විග්නේෂ්වරන් ප්‍රකාශ කර ඇත. ඔහු මේ අර අඳින්නේ කරුණාවෙන් බෙල්ල කැපීමට බව, ඔළුව අතගා ටොකු ඇනීමට බව අප වටහා ගත යුතුය. දෙමළ ජාතිවාදය මතු කර ගැනීමට කුමන්ත්‍රරණකාරීව ක්‍රියාත්මක කළ යම් යම් සිදුවීම් පදනම් කරගෙන ඇති වූ විරෝධතා හැර සිංහලයන් දෙමළ ජනයාට එරෙහිව ක්‍රියාත්මක වී නැත. අදත් දකුණේ සිංහල ජනයා දෙමළ ජනයා සමග සුහදව ජීවත් වෙති. විග්නේෂ්වරන්ට පවා සිංහල නෑ කමක්‌ ද ඇත. උතුරේ සිටිනවාට වඩා වැඩි දෙමළ පිරිසක්‌ දකුණේ සිංහලයන් සමග සිටිති. උතුරේ සිංහලයන් එලවා දැමුවත් දකුණේ සිටින දෙමලුන් එලවා දැමීමට සිංහලයින් ක්‍රියාකර නැත. ඒ සමගම දකුණේ හින්දු කෝවිල් පවත්වාගෙන යාමට සිංහල බෞද්ධයන්ගේ කිසිදු විරෝධයක්‌ නොමැතිවා පමණක්‌ නොව ඒවාට සහයෝගය ද ලබා දෙති. එසේම දකුණේ සිටින දෙමළ ජනයා ද බෞද්ධ සිද්ධස්‌ථාන වලට යමින් එමින් සිංහල බෞද්ධයන් සමග සමගිව කටයුතු කරති. විග්නේෂ්වරන්ලා උත්සාහ දරන්නේ එම සිංහල දෙමළ සමගිය ද කඩා බිඳ දමා රට ද දෙකඩ කොට වෙනම දෙමළ රාජ්‍යයක්‌ පිහිටුවා ගැනීමටයි.

උතුරු පළාත් සභාව උතුරේ සිංහලයන්ට හා බෞද්ධ සිද්ධස්‌ථානවලට කරන හිරිහැර ගැන ඊනියා යහපාලන ආණ්‌ඩුව ද නිර්හව සිටී. රජය පිහිටුවීමට උපකාර කළ දෙමළ බෙදුම්වාදී දේශපාලකයින්ට ඉඩදී බලා සිටීම රජයේ පිළිවෙත වී ඇත. රටට මෙන්ම ලෝකයට ද වැදගත් වන සිංහල බෞද්ධ ශිෂ්ඨාචාරය රැක දීමට රජයට උවමනාවක්‌ ඇති බව නොපෙනේ. රජයේ ප්‍රධානතම අභිලාෂය වී ඇත්තේ තම පාලනයට එරෙහිව එතැයි සිතෙන සියලු දෙනාම මර්දනය කර කුමන්ත්‍රණකාරීව ලබා ගත් බලයේ රැඳී සිටීම හා ඊ ළඟට ද බලයට පැමිණීමයි. ඒ අරමුණු ඉටු කර ගැනීම සඳහා බෙදුම්වාදීන් සතුටු කිරීමට ද රජය මැලි වන්නේ නැති බව අපි දනිමු. රටට අහිතකරව පවතින බෙදුම්වාදීන්ගේ හා ඊනියා යහපාලන ආණ්‌ඩුවේ වැඩ පිළිවෙලට ඉදිරිපත් කළ හැකි සාර්ථකම විසඳුම වනුයේ පළමුව සිංහලයන් හැමදෙනාම තම උරුමය රැක ගැනීමට පක්‌ෂ කුල ආගම් බේදයෙන් තොරව සමගි සම්පන්න වීමයි. සිංහල සමගිය අනෙකුත් ජනතාව සමග සුහදව ක්‍රියා කිරීමට පදනමක්‌ වෙනවාමයි. එවැනි ක්‍රියාදාමයකින් හැර පවතින භයානක උවදුරුවලින් රටත් ජාතියත් රැක ගැනීමට වෙනත් ක්‍රමයක්‌ නොමැත.

8 comments:

Anonymous said...

අනේ සමරෙ,
උඹල ඉතින් ඔය ඉතිහාසෙ අපි මෙහෙම කොලා අරෙහෙම කොලා කිය කිය ජාතිවාදී ගු ගුලි කර කර වළඳපල්ලා.
රටේ ආර්ථික එක තැනම පල් වෙනවා. යාන්තමින් එකතු වෙන බදු මුදල් ටික ලොකු උන්ව නඩත්තු කොරනවා විතරයි.
යකෝ ඒ ගැන හොයල බලල හඬක් නගපල්ලකො

samarasekara sithuvili said...

මා ප්‍රතිපත්හියක් ලෙස නිනාමිකයන්ට උත්තර නොදෙතත් ඔබේ කරුණු දැක්වීමේ වැදගත්කම නිසා ඒක මදකට කඩන්න උනා.ආර්ථිකය එක තැන පල වෙන්නෙ සිංහලයෝ නිසා නෙමෙයි. සිංහලයෝ කියන්නෙ සිව් හෙළයන් විජයගේ අනුප්‍රප්තිකයන් සමග එකතුවී පණ්ඩුකාභය රජු විසින් ගොඩනැංවූ ජාතියටයි. ලාංකික කියල මෙ රටේ කොහෙවත් නැති ජාතියක් ගැන හිතල ප්‍රතිපත්ති හදන අය නිසයි. රට මෙ විධියට පල්ලම් බහින්නේ . ඔබට තවමත් ජාති වාදය හා ජාතිකවාදය අතර වෙනස වැටහිලා නැහැ. දේශපාලන කන්නාඩිය අයින් කරලා රට ගැන හිතන්න වෙලාව ඇවිත්.

Anonymous said...

/*සාර්ථකම විසඳුම වනුයේ පළමුව සිංහලයන් හැමදෙනාම තම උරුමය රැක ගැනීමට පක්‌ෂ කුල ආගම් බේදයෙන් තොරව සමගි සම්පන්න වීමයි.*/

සමරේ, මේ සාදුට පොඩ්ඩක් කියන්නකෝ සිංහලයෝ පක්‌ෂ කුල ආගම් බේදයෙන් තොරව සමගි සම්පන්න කරවන්න ඉස්සර, ඔය සංඝ සමාජේ සමගි සම්පන්න කරගන්න කියල. මම දන්නා බුද්ධාගමේ නම් නිකායවල් නැත. නිකායවල් හැදිලා තියෙන්නේ කුල අනුව නේද සමරේ.

Anonymous said...

ඔවා දෙනු පරහට
තමා සම්මතෙහි පිහිටා සිට
දුසිරිත දනන් දෙන
ඕවා වැද්දන් කියන බන වැනි

අනේ මම නම් නාලක උන්නාන්සේට වැද්දා කියල කියන්නේ නෑ

Anonymous said...

ඕකනෙ වෙලා තියෙන කරුමය. හඳ දිහා බලන කියන කොට ඒක ගණනකටවත් ගන්නේ නැහැ. බැරිම තැන ඇන්දිල්ල දික් කරලා පෙන්නන කොටත් හඳ වෙනුවට ඇන්දිල්ල දිහා බලල ඇඟිල්ලේ වැරදි හොයනවා.

Anonymous said...

හඳයි ඇඟිල්ලයි ගැන කතාකරපු ඇනෝ, ඒ වගේම ඔය ඉස්සරහ තියෙනේ ගහ දිහා බලන්න එපා කැළෑව දිහා බලන්න.

'සිංහලයාගේ සමගිය ජාතික සමගියේ පදනමයි' කියල ති පූජිත මඩිහේ පඤ්ඤාසීහ මහා නාහිමිපාණන් වහන්සේ කියුවට උන්වහන්සේත් තමන්ගේ කුලය ඉදිරියට ගෙන ඒමට බොහෝ වෙහෙස මහන්සිවී වැඩ කල කෙනෙකි. එතකොට එතන සිංහලයාගේ සමගියක් නොව භේදයකි.
Seelan -ceylon කතාව කොහොම උනත් ටොලමිගේ සිතියමේ තියෙන්නේ seilan කියල. ඕව හරියට අහුබුදු ශේක්ස්පියර් ලංකාවේ කෙනෙක් කියනවා වගේ හිතළු කතා.
ආණ්ඩු බොහොමයක් වැරදි කළා. එක අපි කවුරුත් පිළිගන්න ඕනේ. ඒවා තවමත් නිවැරදි නෑ

අනිත් එක ඔය කහ සිවුරු අඳින ටීම් එක (බුදුන්ගේ ධර්මය අනුගමනය නොකරන අය) බෙදිලා ඉන්දැද්දී අනිත් යට සමගි වෙන්න කියල කියන එකට අර කකුළුවාගේ උදාහරණෙ මතක්කර ගන්න.

It's me, හැට්ටර් said...

සමරසේකර මහතා,

මෙම ලිපිය බෞද්ධ භික්ෂුවක් විසින් ලිවිම ගැන මම කනගාටුවෙනවා.
මමත් බෞද්ධයෙක්, නිතිපතා පන්සල් නොගියාට හැමවිටම බුදුන් දෙසූ මග යන්නට වෙහෙසෙනවා.
නමුත්, අවුරුදු 2500කටත් කලින් බුදුන් දෙසුවේ සමානාත්මතාවය. බුදුන්ට සිය පුත් රාහුලගෙත් , සැඩොල් කුලයේ සෝපාකගේත් වෙනසක් තිබුනේ නෑ.
එම නිසා, සිංහල, දෙමල, මුස්ලිම් කියා බුදුන් දෙසූ දහමට පටහැනි දේ කියන මෙවැන්නන් බුද්ධ පුත්‍රයන් ලෙස කෙසේ පිලිගනිමුද?

අටම්පහුර said...

මේ කමෙන්ට් කරන විදිහ වෙනස් කරන්ඩ බෑද